射日傳說

Ywau qaniy ga kahun khan raran balay.Raran ga ，ingat qu bingah ru byacin.
nanak qutuh wagiy makiy,wagiy qasa ga t’naq balay Kim hebun ru slubay kayal.
kwara tayal ga q’nyat balay mtyawau，muhit ana nnanu、qmalup ru tminun uziy，gben lga，mqas inlungan nha mqwas、m’yugiy ru tmlan cikay nnbun .msuq lga si balaq hngaw abi.qutux qutux riyax ga mcaq qani，blaq balay qu qnxan na kwara tayal.

Maki qutux riyax,wan qutux mhebun na wagiy mwax qutux mtasyaq na wagiy.babaw nya mhebun na wagiy wan la ga,mhtu qu mtasyaq na wagiy.wan qu mtasyaq na wagiy la ga,nyen qu mhebun na wagiy.nyux si p’yu p’yu mhebun na wagiy mtasyat na wagiy.yasa qu si qlyen kdryax.

Inat qu hngan ga,squleq ini toyay abi.unat qu hngan ga,ini kblaq qu pibahu la.nanu si ga qsyaan ta pibahu.tran squ mwuwiy pqsyat qu pinbahu qani ga,laqi qani ga wayan si ngit cipuq wayan pasyut la.

Si uci qani kryax ga,sowun lpi? Sami ka tayal hiya ga,maki qu hmgut myan.msa son nanu mciyau qu msa hmiraq qu qutux wagiy qani?gaga na tayal,nanu si ga skita squ qwas na silaq.yasa qu wayan smwan qu sileq,yasa qu wan san smka qu wagiy.

Anaga cyux kian qu wagiy qani ga,minas kim twahyaq.msa kryasan,msa bsyaq balay msa thkan.wagan nha qu qsahuy na tayal blaq qu tnux nya..msa marat qu tneloq.cyugan qu hi nha,qutux ga pawan,te sazin ga watan,te cyugan ga walis.cyugan qaniy ga yaba ru slaqiy la.msa kangiy squ wagiy ga, si glu stagan qu wagiy.ana nha ini baqiy qu tuqiy ka son nha ga,maki qu sileq mlen te hgan.

Mlaq balay qu tunux nya qu pawan qani.mras squ ghak na bitaq,mpu qara ga ,tmyan nya bitaq qani.

plgan nha cyugan hi qani ga,ini hngau ru ini pziy, aki ta helau lawn qu wagiy qani.maki qutux riyax ga,c’baq qu laqiy nya ru 孫子 nya.nanu lalu qu qsinuw 、qqhoniq ru kman.bun nha kwara qu qsinuw qani.

Tran squ mhngau ga,pqayan nya kwara qu laqiy nya ru 孫子nya.bsyat balay qu pinkhngan nya,pira yan kawas,mnkis uziy la.ini t’hoyay mkhaniy la,wayan ini teyaq squ singusan nya,wayan mhoqiy la.yasa qu watan syunau la,mras qu walis la.

Cingay balay qu kawas pinkhaan nha.watan uziy lga bnkis la.nanu yasa qu walis uziy lga,mrkes ru lokah balay.maki qutux ryax lhga qani ga,tehuk squ blin na ryax,maki qutux qu hiyang ,hopa balay,mski aqu ryax.nanu balay sileq lga wan laka ru mita kya.mwah loziy qu sileq,kmayang mha:”cyux maku lawn qu mtasaq qu wagiy,cyux mabi.talagay blaq qu ywau qani walis lga kaniqutux qu balay na kian.yasa qu mgan lqiy ru tneloq ,yasa qu bu’ nya mtasat na wagiy la.

“a！”mtasyaq wagiy ga,mkmi qu loyaq nya la.wan mho la,mhotan kwara qu ramu nya lga,mgayang kwara te kayal.yasa qu mbingah la.

「wa！ho！」mho qu mtasyaq na wagiy,hkani squ wayan mu’ qu hiya.yasa qu walis lga,blaq qu tunux nya,wayan mgey la.

Mtasuat na wagiy ga.yasa qu qpzin nya msa hkaniy qu watan.kwara qu hiyal ru kayal ga mglau kwara la.Watan lga mwmau balay si helau mgey.

n-git n-git mxan qu mtasyat na wagiy.syax na qani ga si n-git n-git mnkun la.hiya uziy ga mtakuy uziy la.msa myuk aqu bling na ryax. Ktan na mhebun na wagiy la ga,mhebun na wagiy uziy ga mngungu uziy la.kwara babaw kayal hiyal si tbah mnkun la.

Qsahuy na innkun ga,yaba ru laqi stama squ syax na bengax,rasun na hngyang na sileq,sileq qani qu maras qu lhgan.bsyat balay qu pinkhngyan nha,yasa qu tehuk qu kiholan la.ana ga u-ngat qu sinngahan na ewagiy,squleq nya u-ngat qbaqan msa mtyuwau ru i-ngat qbaqan msa qmalup.qnxan uziy ga,wan qenax yaqax ru muwiy.ktan ga,kwaranniqun ru pinbahu wan cipuq kwara la,moyay kwara la.

Mtama ru hmguk kwara qu yaki,msqun mqas ru myugiy,minas balay blaq pongan qu qwas nha. myugiy uziy,memau balay si ‘bu squ kayal.nanu yasa qu pongan na mhebun qu wagiy lga,nanu qu blaq balay pongan qu hngyang qani.
Mhebun wagiy lga,mtuleq mita squ nyux myugiy .mhebun na wagiy lga,nyux ini kngungu la,ktan nya tetanux lga,nyux mqas balay qu kwara squleq.yasa qu mhtuw qu mhebun wagiy la.alun nha kwara lukus 、tapan nha qu wagiy la.

Ini kbsyat lga,blaq qu pangex qu mtasyat na wagiy.hiya qani ga mnunu la,yasa qu hngan qu mhtu hiya la.nanu yasa qu byacin hiya la.maki qu bengax ,maki qu byacin ,ppsayax squ squleq mqas balay mqwas ru myugiy.maki qlen ru maki qu hngan,ms’syu ps’syax squ babaq na hiyal.yawau qani ga snagun laqi laqi mnglung qu yawau qani.